RSS

Cara membuat Bakasang Manado Asli


Cara membuat Bakasang Manado Asli. Ngana orang Manado asli? ngana musti tau apa itu bakasang,. bakasang itu model  isi puru ikang cakalang yang da jumur kong sampe bobou di botol kong ja taruh di rica alias dabu2 ato depe kata kerennya dabu2 bakasang.
    ni cara beking Bakasang Manado asli ini samadeng ja beking tu fermentasi,. yaitu  proses kimia yang mengubah komponen makro menjadi komponen mikro, dalam kondisi anaerob tanpa oksigen (so itu tu botol musti tutup rapat), dengan bantuan mikroba.

Cara Pembuatan Bakasang Telur Cakalang


Bahan2 for Bakasang : isi puruh ikang Cakalang
       Garam dapur (NaCl), 
        daong lemong ato daun jeruk, 
        daun sereh, ato tong ja bilang sarimbata ato bramakusuh 
      air kelapa tua.
Alat : botol kaca ato plastik for mo taruh isi puru ikang
       



  •  pertama2 cuci tu isi puruh ikang cakalang yang torang da potong,.
  • kong abis itu kase maso jo tu barang tadi ka dalam botol kaca (btl orson) ato botol Plastik (aqua) mar isi jang kase punung, kase sisa akang sekitar 2 ato 3 jare
  • taruh garam secukupnya di dalam botol tadi sama2 deng tu isi puru.
  • yang paling penting ni tahap ini,. Jumur tu botol tadi yang so ada isi puru deng garam selama 4 sampe 5 hari tergantung tu depe panas,. kalo dia so mulai ba alus ja goyang2 sadiki supaya ta campur lebe capat,.,. mar koman inga jang sampe tu depe panutup tabuka karena selain nanti mo bakumasalah deng tetangga(bobou barang busu) kalo tabuka lama sabantar ada binatang mo maso kong tu bakasang mo ba gai sampe rusak tu proses,. okokok!!!
  • kong abis itu ngoni suka variasi lebeh,. sadia jo tu blanga for mo sepanas sadiki,. kong kalo ngoni suka taruh akan daong lemong, bramakusuh deng sadiki jo tu aer kalapa,. kalo sudah saring jo deng saringan kong taruh dibotol baru supaya bersih,. kong abis itu taruh jo di dabu2 supaya depe rasa lebeh maknyos pas makang deng midal ato pisgor alias pisang goreng!!!hehehe
meimo kuman 
 selamat mencoba tamang2,. thanks so baca sob!!! salam orang Tanawangko Tommy :)

 


7 Responses to "Cara membuat Bakasang Manado Asli"
Mahatma said...

makase dank tu postingan.. sangat bermanfaat...


May 20, 2014 at 10:32 AM
Unknown said...

sama2 bro


May 27, 2014 at 5:38 PM
sukseskuliner said...

Ya do do eee,kase resep nyanda lengkap, Nyanda ditulis barapa banya tu ikan pe Puru,barapa banya depe garam.Dan yang paling penting harus di jelaskan bahe
wa yg di pake bukan isi puru dengan kotoronnya,tapi cuma depe usus yang suda di keluarkan kotorannya.Perbandingan antara banyaknya usus /perut ikan dengan Garam harus sesuai ,kalo nyanda sesuai maka akan jadi busu .yang dimaksud Puru ikang itu adalah termasuk hati juga.hati hati ada bgn empedu yang rasanyya pahit,harus di buang.


October 11, 2015 at 1:04 AM
Hanna said...

Bantu jawab. Pake nya perut ikang Sm telur ikang lebih bagus. Untuk garam secukupnya aja. Kalo kebanyakan nnt keasinan.


August 3, 2016 at 5:47 PM
Hanna said...

Bantu jawab. Pake nya perut ikang Sm telur ikang lebih bagus. Untuk garam secukupnya aja. Kalo kebanyakan nnt keasinan.


August 3, 2016 at 9:13 PM
Rahmat Lanongko SE said...

Torang di Parimo Parigi Moutong nyanda ada tu Cakalang, ton pake ikan rono manta, kase kaluar depe kapala deng puru kase maso tu ikang di dalam botol bir atau teklong pake garam, lemong nipis trus tutup rapat tubotol kong jumur, ngoni tau kang pantai timur pe panas, cuma 3 hari so jadi kong nya sampe 3 hari bakasang abis. Salama dari Rahmat Lanongko kita samua Basudara baku sayang, NKRI.


May 5, 2020 at 10:24 AM
Rahmat Lanongko SE said...

sadap koa bakasang, makang deng milu rubus,basuar rupa biji milu.


May 5, 2020 at 10:26 AM

Post a Comment

thanks so baca,. tertarik? kase komen dang,.

 
Return to top of page Copyright © 2010 | Flash News Converted into Blogger Template by HackTutors